وزیراعظم یوتھ بزنس لون کا مقصد 21 سے 45 سال تک کی عمر کے نوجوانوں کو نہایت آسان شرائط پر قرضے کی فراہمی ہے۔اس سکیم کے توسط سے ایک لاکھ نوجوان استفادگان صرف 8 فیصد شرح منافع پر نامزد مالیاتی اداروں” نیشنل بینک اور فرسٹ وومن بینک” کے ذریعے قرضہ حاصل کر سکتے ہیں۔ یوتھ بزنس لون کی معیاد واپسی 8سال بشمول ایک سال رعائیتی مدت ہے۔ یہ قرضہ 90:10 کی ڈیبٹ ایکوئیٹی کے تناسب سے پورے پاکستان بشمول پنجاب،سندہ، خیبر پختون خواہ، بلوچستان، آزاد جموں کشمیر، گلگت بلتستان اور فاٹا کے نوجوانوں کے لئے قابل حصول ہوگا۔ وزیراعظم کے یوتھ بزنس لون کا50 فیصد کوٹہ خواتین اور 5 فیصد کوٹہ شہداء کے خاندانوں، بیواؤں اور معذور افرادکے لئے مختص کیا گیا ہے۔

ٹسڈک (ٹیکنالوجی اپگریڈیشن اینڈ سکل ڈویلپمنٹ کمپنی) مختلف صنعتی کلسٹررز کی اپگریڈیشن کے لئے جدید ٹیکنالوجی اور ہنر مند افرادی قوت کی فراہمی کے وسیع تجربے کو موثر طریقے سے بروئے کار لا کروزیراعظم یوتھ بزنس لون استفادگان کو رہنمائی اور سہولت فراہم کریگا۔ ٹسڈک مختلف صنعتی ٹیکنالوجی کے شعبوں میں کاروبار کرنے کیلئے پڑھے لکھے اور ہنرمند نوجوان تیار کرے گا اور وزیراعظم یوتھ بزنس لون سکیم کے مقصد کو عملی جامہ پہنائے گا۔